Business
ആര്‍ട്ടിഫിഷ്യല്‍ ഇന്റലിജന്‍സ് കമ്പനി പതിവായി പകര്‍പ്പവകാശവും ഓണ്‍ലൈന്‍ ഉപയോഗ നിബന്ധനകളും ലംഘിച്ചുവെന്ന് ആരോപിച്ച് ചാറ്റ്ജിപിടി ഉടമ ഓപ്പണ്‍എഐക്കെതിരെ അഞ്ച് കനേഡിയന്‍ വാര്‍ത്താ മാധ്യമ കമ്പനികള്‍ വെള്ളിയാഴ്ച നിയമനടപടി ഫയല്‍ ചെയ്തു.
ഓപ്പണ്‍എഐയ്ക്കും മറ്റ് ടെക് കമ്പനികള്‍ക്കുമെതിരെ രചയിതാക്കള്‍, വിഷ്വല്‍ ആര്‍ട്ടിസ്റ്റുകള്‍, സംഗീത പ്രസാധകര്‍, മറ്റ് പകര്‍പ്പവകാശ ഉടമകള്‍ എന്നിവര്‍ ജനറേറ്റീവ് എഐ സിസ്റ്റങ്ങളെ പരിശീലിപ്പിക്കാന്‍ ഉപയോഗിക്കുന്ന ഡാറ്റയെച്ചൊല്ലിയുള്ള കേസുകള്‍ നടക്കുന്നതിനിടെയാണ് ഈ കേസ്. ഓപ്പണ്‍എഐയുടെ പ്രധാന പിന്തുണക്കാര്‍ മൈക്രോസോഫറ്റാണ്. ഒന്റാറിയോയിലെ സുപ്പീരിയര്‍ കോടതിയില്‍ സമര്‍പ്പിച്ച 84 പേജുള്ള ക്ലെയിം പ്രസ്താവനയില്‍, അഞ്ച് കനേഡിയന്‍ കമ്പനികള്‍ OpenAI യില്‍ നിന്ന് നഷ്ടപരിഹാരം ആവശ്യപ്പെടുകയും സമ്മതമില്ലാതെ തങ്ങളുടെ മെറ്റീരിയല്‍ ഉപയോഗിക്കുന്നതില്‍ നിന്ന് തടയുന്ന സ്ഥിരമായ വിലക്ക് ആവശ്യപ്പെടുകയും ചെയ്തു.
'വിവരങ്ങള്‍ നിയമപരമായി നേടുന്നതിന് പകരം, സമ്മതമോ പരിഗണനയോ കൂടാതെ, വാര്‍ത്താ മാധ്യമ കമ്പനികളുടെ വിലപ്പെട്ട ബൗദ്ധിക സ്വത്ത് ധാര്‍ഷ്ട്യത്തോടെ ദുരുപയോഗം ചെയ്യാനും വാണിജ്യ ആവശ്യങ്ങള്‍ ഉള്‍പ്പെടെ സ്വന്തം ആവശ്യങ്ങള്‍ക്കായി മാറ്റാനും OpenAI തിരഞ്ഞെടുത്തു'- അവര്‍ ഫയലിംഗില്‍ പറഞ്ഞു.
Content Highlights: OpenAI Sued by Canadian News Companies Over Alleged Copyright Breaches